Generelle vilkår

PÅMELDING KURS, SKITURAR OG TOPPTURAR
Påmeldingsfrist for kurs og skiturar er tre veker før tur-/kursstart.
Påmeldingsfrist for turane til Falketind, Uranostind og Stølsnostind er ei veke. Betaling ved frammøte. Ved ev. påmelding etter at fristen har gått ut, ring og høyr om det framleis er ledige plassar. Påmeldinga er bindande for Jostedalen Breførarlag AS (BFL) når heile skitur- og kursavgifta er motteken. Deltakarane får tilsendt ei stadfesting og detaljert dagsprogram m/utstyrsliste når bindande påmelding er motteken.

AVBESTILLING KURS OG SKITURAR
Ved avbestilling før påmeldingsfristen, vil deltakaren få attendebetalt innbetalt avgift minus kr. 300.- Etter påmeldingsfristen og fram til 14 dagar før tur-/kursstart vil deltakaren få refundert 50% av den innbetalte tur-/kursavgifta.

TINGING/AVBESTILLING - GRUPPER OG EIGENFØRAR
Etter påmeldinga sender me ei stadfesting som må signerast og returnerast til avtalt tid. Oppførd pris og avtalt depositum i tilsend stadfesting er bindande.

Private turar:
Me gjer merksam på at det blir fakturert for det tal deltakarar arrangementet er bestilt for når det er mindre enn fem - 5 - dagar før kurs-/turstart sjølv om færre personar enn avtalt møter fram.
Påmeldinga er bindande for Jostedalen Breførarlag AS når NOK 2000.- per førar - som turen krev - er motteken.
Dersom turen blir avlyst innan ti - 10 - dagar før turstart vil me ikkje krevje noka betaling. Dersom turen blir avlyst innan fem - 5 - dagar før turstart, vil me fakturere 50% av turavgifta og om turen blir avlyst mindre enn fem - 5 - dagar før turstart, 100% av samla turavgift.

Private kurs og skiturar på Jostedalsbreen:
Påmeldingsfrist for private kurs og skiturar er to veker før tur-/kursstart. Ved ev. påmelding etter at fristen har gått ut, ring og høyr om det framleis er ledig førarkapasitet. Påmeldinga er bindande for Jostedalen Breførarlag AS når heile tur- og kursavgifta er motteken. Ved avbestilling etter påmeldingsfristen og fram til 10 dagar før tur-/kursstart vil deltakaren få refundert 50% av den innbetalte tur-/kursavgifta.

PRISUTREKNING
Prisane blir utrekna i høve til tilbodets form og er bindande. Dersom t.d. statlege avgifter eller kostnaden med båttransporten på Nigardsbrevatnet aukar, vil prisen bli automatisk justert.

AVLYSING
BFL kan avlyse turen/kurset grunna vanskelege is-, snø- og vertilhøve, for få påmeldingar e.l. Deltakaren skal bli orientert om ev. avlysing seinast sju -7- dagar før turen/kurset startar. Heile den innbetalte summen vil då bli attendebetalt.

ENDRINGAR
BFL vil så langt råd er gjennomføre dei oppsette turane og kursa etter programmet. Om det blir naudsynt har BFL likevel rett til å endre programmet. Slike endringar har ingen konsekvensar for prisen.

DELTAKARENS ANSVAR
Deltakaren må sjølv vurdere om han/ho fyller dei krava som tur-/kurs-programmet stiller. Deltakaren pliktar vidare å ha med seg det utstyret som er nemnt i det tilsende programmet og å rette seg etter tilvisingar gjeve av føraren. Om dette ikkje skjer kan deltakaren utelukkast frå arrangementet utan at det kan krevjast kompensasjon. Å delta på turane og kursa våre skjer på eige ansvar. Dette vil seie at BFL ikkje står ansvarleg for skader/ uhell som måtte oppstå på deltakarane i tilknyting til arrangementa våre. Før turen/kurset starter, må alle deltagere skrive under på et egenerklæringsskjema.
Om du er under 18 år må du ha føresettes underskrift på dette skjemaet. Klikk her for Eigenerklæringsskjema

FORCE MAJEURE
Ved hendingar utanfor BFL sitt herredømme som t.d. brann, naturkatastrofe ol. har BFL rett til å heve avtalen utan erstatningsplikt.

EV. FORSIKRING ER DELTAKAREN SITT EIGE ANSVAR Jostedalen Breførarlag AS tilrår å teikne ei reiseforsikring som dekkar kostnadene dersom du må avlyse turen/kurset på grunn av skade/sjukdom.

Generelle vilkår