Velkomen på bre og fjell!

Jostedalen er ei vestlandsbygd med ein sterk lokal kultur, storslått natur og ikkje minst fantastiske brear som omkransar dalen og strekkjer seg langt nedover fjellsidene. Mest kjend er Nigardsbreen som kjem heilt ned på 330 moh. før han må gje tapt for låglandssommaren.

Jostedalen Breførarlag tilbyr varierte turar og kurs som varer frå 1 time til 6 dagar. Dei mest brukte turområda er breane og fjella i Jostedalen og Jotunheimen. Forholda i Jostedalen gjev framifrå vilkår for å kunne tilby gode brekurs og klatrekurs.

Breførarlaget arrangerer kvart år vårskituren 'Jostedalsbreen på langs' i mai (ev. juni). For turar/kurs tidlegare på vinteren viser me til selskapet Fimbul Jostedal, som tilbyr ulike typar vinteraktivitetar både i Jostedalen og Jotunheimen.