Store Austabotntind – 2204 m

Store Austabotntind på 2204 moh. er ein av dei mest markerte toppane i Vest-Jotunheimen og ein av de flottaste klyveturane ein kan tenkje seg.

Ein startar frå parkeringsplassen ved bilvegen på Berdalsbandet (1315), like nord for bomstasjonen, og går fyrst opp på den luftige Vesttoppen utan å trenge tau og sikringsutstyr. Derifrå ser det vanskeleg ut å kome vidare mot hovudtoppen men når ein fyrst har byrja å bevege seg ned mot ryggen, dukkar vegen fram medan ein går. Ein følgjer den eksponerte ryggen, heile tida med eit praktfullt utsyn mot dei andre toppane i Hurrungane. Langs ryggen opp mot toppen er det nokre parti med lett klatring og ein går heile vegen sikra i tau fordi det er eksponert.

Turen inneber ikkje krevjande klatring, men den er luftig og eksponert, ikkje minst toppvarden.

Bestilling

Ver venleg å ta kontakt på e-post (ikkje på telefon) om turdato samt talet på personar i gruppa. Dersom me har ledig førar på aktuell turdato, vil de motta ein bestillingslenke for turen. Når turavgifta er betalt er påmeldinga gyldig og forpliktande for den reserverte turen.
Ver merksam på at bookingselskapet FareHarbor tek 6% gjestegebyr for bookingtjenestene sine.